2nd Phase Start Date Announced ab Achi khabar un logon ke liye jo intezar kar rahe thay! BISP (Benazir Income Support Program) ne officially doosray marhalay ki payments ka aghaz kar diya hai. First phase mein 70% se zyada districts mein pehle hi paisay mil chuke hain. Agar aap un areas se hain jahan pehle marhalay mein paisay nahi mile, to ab aapke liye bhi good news hai.
BISP ne second phase ki confirmed start date aur 55 districts ke naam announce kar diye hain. Agar aap kisi bhi BISP program se waabasta hain ya naye register huay hain, to ye info aap ke liye bohat zaroori hai. Is post ko end tak zaroor parhein taake aapko complete aur accurate maloomat mil sakein. Aur aapko BISP office jaane ki bhi zarurat nahi hogi.
🗓️ Second Phase Kab Shuru Hoga?
Jaise ke shuru mein bataya gaya tha, BISP ne confirm kar diya hai ke 28 April se doosray phase ki payments shuru hongi. Lekin ye sirf tab hoga jab tamam arrangements mukammal hon.
Aksar aisa hota hai ke system ya arrangements mein thoda time lagta hai, isliye BISP ne yeh bhi clarify kiya hai ke agar kisi wajah se 28 ko payments start na ho sakein, to ghabraane ki zarurat nahi. Jese hi arrangements complete hotay hain, paisay release kar diye jaayenge. Lekin umeed hai ke 28 April final hai.
Visit: CM Punjab Rashan Card Program Start May 1 2025
📍 Doosray Phase Mein Shaamil 55 Districts
Pehle plan tha ke second phase mein 98 districts honge, lekin ab revised list ke mutabiq sirf 55 districts ko shaamil kiya gaya hai. Yeh rahe un districts ke naam:
Punjab: Rawalpindi, Murree, Attock, Chakwal, Talagang, Jhelum, Islamabad, Mandi Bahauddin, Narowal, Sialkot, Gujrat, Sargodha, Bhakkar, Khushab, Pakpattan, Faisalabad, Okara, Sheikhupura, Layyah, Bahawalpur, Nankana Sahib, Vehari, Gujranwala, Wazirabad, Rajanpur, Jampur
Sindh: Karachi Central, Karachi East, Karachi West, Karachi South, Korangi, Malir, Kemari, Ghotki, Khairpur, Nowshera Feroze
Balochistan: Thatta, Awaran, Lasbela, Hub, Gwadar, Harnai, Ziarat, Sibi, Quetta, Kech, Panjgur, Loralai, Zhob, Duki
KPK & GB: Lakki Marwat, Buner, Shangla, Haveli, Ghizer
💸 Doosray Phase Mein Paisay Kaise Milenge?
Jese hi second phase ki payments shuru hoti hain, aapko 8171 se ek SMS milega aapke registered number par. Is SMS mein bataya jaayega ke aapko kis camp site pe jaana hai paisay lene ke liye.
Visit: BISP 8171 2nd Phase Payment Update 2025
Step-by-step process:
-
SMS ka intezar karein:
8171 se confirmation SMS aaye ga. -
Camp Site visit karein:
Apna original CNIC le kar wahan jaayein. -
Screening Process:
Entry se pehle aapka screening hoga. -
Biometric Verification:
Bank retailer ke paas jaake fingerprint lagwaayein. -
Payment hasil karein:
Verification ke baad paisay mil jaayenge. -
Exit Screening:
Nikalte waqt confirm kiya jaayega ke aapko full amount mili hai ya nahi, bina kisi deduction ke.
🧾 Aakhri Baat
BISP ki taraf se doosray marhalay ki payment date ka announce hona bohat relief wali baat hai. Is article mein aapko:
-
Start date
-
Districts list
-
Aur paisay hasil karne ka poora process ka tafseel se bataya gaya hai.
Umeed hai ye maloomat aapke liye helpful hogi aur aap asani se apni payment receive kar sakein ge. Agar aapko kisi cheez ka confusion ho ya aur koi info chahiye ho, to neeche comment kar ke pooch sakte hain.
👉 Zarooratmand logon ke saath ye info share karna na bhooliye.